كلمات اغنيه الله يعنيكو كوستا سمارة وماندو
اسم الاغنية : الله يعينكوا
اسم المغني : ريشا كوستا - سمارة ناو - ماندو الشبح
سنه الاصدار : 2020
--------------
بجد الله يعينكوا يالي احنا مش شايفنكوا
اصغر مافينا دافينكوا وكباركوا ناس تافهين
كله ف كلامه بيحور اتخن مافيكوا مزور
يتكلم علينا ف غيابنا تشوفنا بتيجي تتصور
دانا دانا دانا دانا دانا دانا دانا دانا
مين اللي فكر يتحدانا
اصلها مش خالصه القصه معانا
تضرب بطلقه هضرب بدانا
ماشين بعلاج دماغنا تعبانا
لو ف يوم عليتوا
انا فوق يلا هنا مستنيكوا
طالع نازل هرازيكوا
كشاف ع عينكوا وهديكوا
انا شفت ناس وعاشرت ناس متتعاشرشي
وعملت ياما حجات كتير مبتتزكرشي
انا خدت ايه من الدنيا دي هسيبها وأمشي
ف صحه اللي بكيفهم راحوا عليكوا مبندمشي
مسا التماسي علي كل ناسي
بالحب مش بالعافيه ورفعت كاسي
وصبحت ناسي دي قلوبكو سوده مش صافيه
هلعب بيكو كلكو في الهوا
جابك شوقك تخسر يلا
انا المعلم
لما اتكلم
كلو يشد بلاستر هنا
فوقو من وهمكو انا جيت ورجعلكو
نسيتو نفسيكو احنا اللي كبرناكو
طب هاتو اخركو هجيلكو ارضكو
مسمعش حسكو اصل احنا اللي عملناكو
يلا بينا هنبدا عرض
وسع سكه انا جيت وحضرت
ضربه قاضيه جابتكوا الأرض
اختفيتوا لما انا ظهرت
انتوا فين يلا هنا مجتوش
شفافين ومتتعشروش
ابعد عني اصل انا ملبوس
ف اي حلم تشوفني كابوس
انت وهو وهي كلكوا مصلحجيه
مفيكوش حد سالك ع الكره الأرضيه
لفي بينا لفي بينا لفي لفي ع الغلابه متشديش خفي
لما بوعد دايما اوفي حب ف حب هتكسب صفي
يلا بينا من تاني لو مين فيكو جاني
هديلو بقي عالي اشهد يا زماني
انا انا في مكاني وحش انا في مجالي
دول زي عيالي ولا هشغل بالي
طب سيبك من اللي قالو انا دايما شاغل بالو
هسيبو وبخيالو اصل الرجوله افعال
علي اصلهم دولا بانو في الماضي دولا كانو
لابسين وشوش جدعنه وكل راح زمانو