اسم الاغنية : كوباية عصير
اسم المغني : الجوكر
سنه الاصدار : 2020
--------------
Joker & Juice Cup
حط سم في العصير
وابتسم عزرائيل
ونصه الاسود قاله: أربع للبق الأخير
كفاية تفكير
الحال مش هيتعدل
خايف من ايه! مش أول مره دي تتقتل
ما اتقتلت لما شيلت الهم ومتقالكش عاش
واتقتلت لما درست حاجة مبتحبهاش
اتقتلت اما اختارولك
اتقتلت زي ميولك
واتقتلت لما عملت زي ما عازوا وصقفولك
نصه الأبيض قاله طب ما تشوف دافعهم
أو حتى كنت مانعهم بدل ما بكرة تطاوعهم
الدنيا صعبة وأهلك عازوا يريحوك
وانت أكتر واحد عارف إن هما بيحبوك
نصه الاسود قال: جايز حبوه
لكن اكيد اذوة
ومال على ودنه وقال: بالظبط زي ما عملت نور
مش هي برضه قالت انا حاسة وجودي بيؤذيك
ف انا هبعد عشان مصلحتك .. والدنيا هتنسيك
الا قولي صحيح
الدنيا لسا منستكيش
تكونش نور ضحكت عليك ومحبيتكش
النص الأبيض قال: هنتخطى اللي فات
عشان نمسك حاجات لازم نسيب حاجات
دقنك متر
جسمك عمال يخس
محدش حس بيك
ومحدش هيحس
معظم كلامه مش حقيقي
اعمل معروف
اخلع النضارة السودا دي وحاول تشوف
مهو شايف اللي فيها
مفيش غير ظلم فيها
جواه أسئلة كتيرة لكن خايف وبيداريها
لأ طلعها
الدنيا بلاء من بق اللي صنعها
من حقك تمسك ورقة الامتحان ده وتقطعها
نصه الأبيض قاله: لو عرفنا الغيب
النص الاسود قام مقاطعه وقاله: فكك من بوقين
لعله خير
ومحدش عارف الأحسنله ايه
احنا لا متشافين في سما ولا في شارع ، ولا بيت
شرب كوباية العصير لآخر بق
جت مامته من الشغل
قامت وخداه بالحضن
وقالتله: جهز لبسك ياللي بتكتئب تحلو
انا وباباك أجزنا
وهنسافر نغير جو
......