اسم الاغنية : صدمة كورونا
اسم المغني : ابو الشوق
سنه الاصدار : 2020
--------------
يا ليييل
مالك يا دنيا سايقه العذاب - خليتي قلب الفرحه تاب
كل يوم بنام مهموم - قافله في وشي تملي الباب
شاب اتولد في مصر عاش - وقطر فرحه لسا مجاش
كان شغال علي باب الله - وراتبه قليل كأنه بلاش
كان قلبو طيب اوي محبوب
كانت عشقاة كل القلوب
وهوه كان مجدع اصيل
عن الرجوله عمرة ما يتوب
دخل الجيش وعاش ايام
بعد المدة طالع بسلام
بيبني في تفكير احلامو
بص لحظه بعينو ادام
قافل مسافر بس برا
فرصة حلوة وهتيجي مرة
ارجع باشا ليا كيان
ناسي ان الغربة مرة
ودع اهلو وقال هسافر
عشان اكون بجد هعافر
ارجع اتجوز واعيش
بس الم الغربه دة كافر سافر سنين وكان شفيان
داق القسوة وناسي الحنان
مهو اتغرب عن الاحبة
وكل واحد راح لمكان
حس في يوم انه تعبان
وجسمو نمل كان تقلان
قال هروح اكشف بسرعه
والدكتور عيط اوام
ومن الخبر كان مصدوم
ركبو الفزع صابو الهموم
صعبت عليه نفسو وايامو
كلم اهلو في التليفون
ازيك ياما وحشاني - من يوم بعدك وبعاني
شكلي هروح قبل ما اشوفك ومش هتسمعي صوتي تاني
ابويا اسف اني هسيبك معرفتش اخود يوم بإيدك
كان نفسي ف يوم اكون عكازك
مش اوجعك ازيد تعذيبك
كورونا جالي ملهوش دوا
قلبي بالحزن انكوي
غصبن عني سيبتي بلادي
دراعي يابا مني اتلوي
انا من فراقكو حزين زعلان
وجه قدري خلاص ماهو بان
كفاية نار الدنيا عليا
مشفتش فرحة ولا يوم امان
يالي ماشي سايقك غرور
وقلبك معمي مشفش النور
الدنيا فانية وفي لحظه واحدة
الموت غفله ملهوش طبور
احسبها معاك راجع تفكيرك
في الكوكب ياما ملاين غيرك
خاف من لحظة تروحله عاصي
موت شرك وعيش بخيرك
ابو الشوق دا بقلبو وذاع احساس واصل بالاوجاع