اغنيه الغلبان والغولة
اسم الاغنية : ناس 2 الغلبان والغوله
اسم المغني : فيلو - شاعر الغيه
سنه الاصدار : 2020
--------------
حكايات بتدور وتدور
عن راجل كان غلبان
راجل مظبوط علي القوت
0يابا ليل ونهار شقيان
ومعاة بنتين حلوين
وجمالهم بالالوان
ومراته كانت ف حياته
مصدر صدر احزان
بتزن عليه وكل يوم
عايزة تجيب سيغه او هدوم
واراجل دايق السموم
ساكت علشان بناته
ماشي وف رعايه الاله
ولا عمرة يفوت اللصلاة
الفجر صلاته طوق نجاه
شغله دة مضمون حياته
مع كل طلعه فجر يبقي من الاذان
ف الجامع اللي بعد بيته ف الميدان
بعدين يروح الشغل ويجيب الفلوس
اصل المدام حربايه وبأطول لسان
صافي الضمير وان شاء الله خير
وف وشه نور
حالف عشان ولادة يكسر اي سور
بس الحلال طبع الرجال المخلصين
لكن الحرام لو فيه كنوز يبعد يغور
اسمع لو غاوي الموضوع
عن راجل طيب موجوع
ف الشغل وف البيت منقوع
وحياته بقت ممله
تعبان والقلب دة اشتكي
والدنيا معاة متدربكه
وكلام مش ممكن يتحكي
ومراته بيه مستقله
وحياته روتين وحزين
مش طايق نفسه بجد
ومراته تزيد ف هموم
وتهدة تجيبه الارض
كان هيطلقها وبناته حلوين اوي زي الورد
وعشانهم مستحملها
لكن منها دا جض
وف شغله معاة واحدة
كانت جنبه كانت حساة
بتشوف ف عنيه احزان
وتقوله يا حول الله
زعلانه عليك وهموت
بدعيلك ليل ونهار
انك تخلص من همك
قبل ما قلبك ينهار
حبها وعشقها هي دي
الراجل بس هيعوز ايه
غير واحدة تطبطب عليه
وتحسسه دايما بالراحه
فكر يتجوزها وخلاص
الحب ملاة وقلبه هاص
قالها وافقت وبأخلاص
مهي ليه كانت دايما مرتاحه
مأذون ضروري يجي يكتبله الكتاب
عشان خلاص قرر يفوق من الاكتئاب
اصل المدام الاولي كانت مدياله
اكبر دروس م الوجع ومن العذاب
علي البركه يلا بقيت مراته حلال عليه
ونداري سرة علشان بناته ونور عنيه
اصل الضنا علي الاب دايما يبقي غالي
من غير بناته الدنيا مش لازماة يا بيه
ينزل من الشغل يروحلها
يقعد يحكيلها يقولها
زهقان من التانيه وزنها
لكن نفسي ف ضنايا
دول هما الدنيا كلها
والحاجه اللي بشتاق لها
لولا دول مروحش انا عندها
خليكي دايما ورايا
الحب بيهون كتير لو كان جديد
حبه القديم قاسي وغشيم والم شديد
لكن الحنان والرقه بتطيب جراح
وتسكر الصخر وتسيح ف الحديد
بيغيب ويسهر برة بيته باليومين
اصل الجوازة لسه طازة باليل يا عين
لكن القديمه معادش بيقرب سريرها
مرتاح لغيرها ونفسه تاني ف عيلين
كان نفسه اساسا ف الولد
ولكن كان راضي باللي اتولد
الابن لابوة بيكون سند ويحسسه بالامان
شهر وشهرين قول سنه
مرتاح ومعاها شاف الهنا
ومخبي السر بحرفنه والدنيا معاة مشت تمام
سنتين جواز ومجاش ابنه اللي بيحلم بيه
قال لمراته دكتور تروحيله تسأليه
انا عندي عيال والحال
عرفان من غير ما احكيه
شكلك كدة عندك عيب
والواد مش هتجيبيه
اخدت معاد دكتور
وراحت منهارة عياط
وقالت سنتين جواز ومفيش حمل واعراض
جوزي مش معيوب ومعاة بنتين حلوين قمرات
وكلن هيموت ملهوف علشان نفسه يجيب واد
والدكتور قام حللها
ملقاش في مانع عندها
راح رد بسرعه وقالها
انتي سليمه ومفيكيش عيوب
جوزك لازم يحضر اوام
ويحلل بعدك يا مدام
علشان افهم بس الكلام
تعالو بكرا في ساعه الغروب
رجعت لبيتها معاها ف ايديها الدليل
قالت لجوزها انا لسا خام وفيا حيل
واقدر اجيب عيل كمان واتنين تلاته
ودة مش كلامي دة بالورق والتحاليل
تاني يوم راحوله وجوزها قلبه فيه جحيم
قاله معايا بنات قر شكلك غشيم
حلله واتفاجئ مفجأة مكنتش حلوة
الباشا مش بيخلف الباشا عقيم
وطلع م الصدمه بصدمه
واخد جوزها وبيكلمه
بيقوله الحاله ويفهمه
وكأن بسيف وبيتشق
قال للدكتور انا هنتها
لو صدق التحليل وقتها
وهجيب بناتي حلل لها
اعرف من دمي ولا لاء
جابله البنتين مصدوم
والعقل صبح غيبان
حلل يا طبيب لهاغيب
ويارب تكون غلطان
طلع الدكتور مكسوف وكمان هيموت م الخوف
واداة ف ايدو التحليل قاله انت اتفرج شوف
لقا نفسه غشيم وعقيم وبقاله سنين متخان
ومراته الاولي دي الغوله
الللي رمته علي الاحزان
علشان خاينه بايعه
ف الوهم معيشاة
والبنات مش بناته
دي فضيحه يا حول الله
ومشاعر قلبه اتجرحت
والدنيا بيه اتمطوحت
راح قال لمراته وبجحت
ف كلامها ونرفزته
جاب السكينه وشقها
وبناته بتصرخ جنبها
راح موت نفسه بعدها
خلصت خلاص كدة قصته
جات الحكومه البيت تحقق بالساعات
علشان تقفل القضيه من سكات
شافو ورقه فيها قصته وكمان وصيه
ان مراته التانيه دي تربي اللبنات
حاسب تناسب اي واحدة ماتتساهلش
احظر يا صاحبي من الخيانه متتجاهلش
خليت واحد بيصلي الفرض ف معادة
يموت كافر عشان رخيصه متستاهلش